РАВЗАНА

Аз 1 ҳазору 979 километр роҳҳои маҳаллии минтақаи Бохтари вилояти Хатлон танҳо 25 дарсади онҳо ба талабот ҷавобгӯянд. Соли 2018 барои таъмири роҳҳо аз буҷети шаҳру ноҳияҳои минтақаи Бохтар 1 миллиону 911 ҳазор сомонӣ ҷудо гардидааст, ки ба ҳар як километр ҳамагӣ 55 сомонӣ рост меояд. Infogram Ҳимати андаки ноҳиядорон Нокифоя будани маблағ ё дар баъзе маврид тамоман ҷудо нашудани он аз буҷети шаҳру ноҳияҳо сабаби асосии ба ҳолати ногувор расидани ҷодаҳо дониста мешавад. Муовини сардори Муассисаи давлатии идораи хоҷагии роҳҳои автомобилгарди минтақаи Бохтари вилояти Хатлон Набӣ Ёқубов иброз дошт, ки тибқи талаботи мавҷуда танҳо барои таъмири як километр сатҳи болоии роҳ зиёда аз 500 ҳазор сомонӣ зарур аст. Аз ин нуқтаи назар, бо он маблағе, ки аз буҷети шаҳру ноҳияҳо ҷудо мегардад, наметавон ҳолати роҳҳоро хубнигоҳ дошт. Тавре ҷаноби Ёқубов зикрнамуд, дар асоси Қарори Ҳукумати Ҷумҳурии Тоҷикистон таҳти рақами 639 аз 2 декабри соли 2009, нигоҳдории роҳҳои маҳаллӣ

Аз 111 ҳазор аҳолии ноҳияи Хуросон танҳо 19 дарсадашон бо оби доимии нӯшокӣ таъминанду бас. Мардум дар интизори 50 миллион еврои Ҷопонанд, ки дар ин сурат имкон дорад 85%-и сокинон бо оби тозаи нӯшиданӣ таъмин шаванд.          Бо вуҷуди мавҷуд будани захираҳои кофии об дар Тоҷикистон, бархе аз сокинони шаҳру ноҳияҳои вилояти Хатлон, ҳоло дар мисоли истиқоматкунандагони ноҳияи Хуросон, аз нарасидани оби ошомидании аз ҷиҳати экологӣ тоза танқисӣ мекашанд. Вақте иқдоме аз ҷониби ҳукумат нест...          Аксар сокинони ноҳияи Хуросон дар назди хонаҳояшон чоҳ кофта, баҳри қонеъ кардани эҳтиёҷоти хеш онҳоро дар фасли боришот бо оби борон ва дигар вақт бо оби харида пур мекунанд.          Қ одирал ӣ Забиров, сокини ҷ амоати ша ҳ раки “Обикиик”-и но ҳ ия , бо таассуф из ҳ о р намуд, ки аз набудани об киштзор ҳ ояшонро соле як маротиба фақат дар фасли баҳор шодоб карда метавонанд. Дигар вақт заминҳо холӣ мемонанд. Ба қавли ӯ, аз соли 1994 то ин ҷониб мушкилоти набу

Бо дастгирии Мақомоти иҷроияи маҳаллии ҳокимияти давлатии шаҳри Бохтар ва саҳми соҳибкорони ватанӣ таъмиру азнавсозии боғи фарҳангӣ-фароғатии ба номи Раҳмон Мурчаев оғоз гардид. Мудири шуъбаи меъморӣ ва шаҳрсозии шаҳр Ятимзода Валиҷон иброз намуд, ки барои навсозии боғ 1 миллион сомонӣ ҷудо ва муҳлати анҷоми корҳо то ҷашни Наврӯз муайян гардидааст. Бино ба гуфти ӯ, ҳамчунин, барои харидорӣ намудани 18 намуд атраксиони замонавӣ 3 миллион сомонии дигар низ пешбинӣ шудааст. Баъди навсозӣ гардидани боғ, дар баробари фароҳам омадани шароит барои истироҳат, наздик ба 70 сокини маҳаллӣ ба кори доимӣ таъмин хоҳад шуд. Сулаймон Султонов, «Садои мардум»

Сокинони маркази вилояти Хатлонро тамбашавии на қ лиёт, доду фарёди г ӯ шхароши ронандагони атрофи бозори «Фаровони  Қӯ р ғ онтеппа»-и ша ҳ ри Бохтар сахт нигарон кардааст. Онҳо шикоят доранд, ки дар вақти гузаштан аз роҳҳои гирду атрофи бозор аз зиёд будани мошин, набудани тартибу низом ва таваққуфгоҳ ба ҷонашон хатар таҳдид мекунад. Дар баробари доду фарёди баланди ронандагон, барои «ҷалб»-и мизоҷон, дашному ҷанҷол ва занозанӣ низ ба амал меояд. Корафтодаҳое, ки бо мошинҳои шахсӣ ба бозор меоянд, аз набудани ҷой дар атрофи бозор нақлиёти худро дур монда, масофаи зиёдро пиёда тай менамоянд. Бо вуҷуди сохтани роҳи зеризаминӣ дар паҳлуи бозор ва мавҷуд будани таваққуфгоҳи хурде, ки бо номи «Аҳмадбозор» маъруф аст, ин мушкил ҳанӯз ҳалли худро наёфтааст. Хостем бо масъулини Раёсати Хадамоти давлатии назорат ва танзим дар соҳаи нақлиёти вилояти Хатлон оид ба ин масъала суҳбат намоем. Бо вуҷуди кӯшишҳои зиёд моро муяссар нагардид, ки аз масъулини он посух дарёфт кунем. Тавонистем муо

Ҳар сол барои табъу нашри китобҳои дарсӣ аз буҷети кишвар маблағи зиёд ҷудо гардида, Вазорати маориф ва илми Ҷумҳурии Тоҷикистон хонандагони муассисаҳои таълимиро бо китобҳои дарсӣ таъмин мекунад. Мутаассифона, то кунун дар муассисаҳои таълимии қисме аз шаҳру ноҳияҳои вилояти Хатлон норасоии китобҳои дарсӣ мушкилоти меҳварӣ аст. Дар маҷмӯъ, шуъбаҳои маорифи шаҳру ноҳияҳо барои даст­рас намудани 2 миллиону 536 ҳазору 122 нусха китоб барои соли таҳсили 2019-2020 ба вазорат дархост пешниҳод намудаанд. Мирзо Эшов, мудири шуъбаи маорифи ноҳияи Қубодиён зикр намуд, ки дар муассисаҳои таълимии ноҳия норасоии 79 ҳазор китоби дарсӣ вуҷуд дорад. Аз суҳбат бо чанде аз китобдорони муассисаҳои таълимии ноҳия маълум гардид, ки мушкил қариб дар ҳама муассисаҳо вуҷуд дорад. Бароталӣ Ғафуров, мушовир оид ба китобхонаҳои муассисаҳои таълимии шуъбаи маорифи ноҳияи Ҷалолиддини Балхӣ гуфт, ки аз сабаби ҳар сол зиёд шудани теъдоди хонандагони синфҳои поёнӣ эҳтиёҷ ба китобҳои дарсӣ зиёд мешавад. Ҳоло