Хатлон. Сироятёбӣ ба коронавирус коҳиш ёфт

-

 №68 (4174) 09.06.2020

Имрӯзҳо ҳазорон нафар табибон ва ҳамшираҳои шафқат дар беморхонаҳо дар хизмати халқи тоҷик қарор дошта, ҳатто ҳаёти худро ба хатар гузошта, ба муқобили ин беморӣ шабонарӯзӣ ва фидокорона мубориза бурда истодаанд ва ба хотири наҷоти шаҳрвандони мамлакат тамоми донишу қувват ва малакаву маҳорати касбии худро сафарбар намудаанд.

Эмомалӣ Раҳмон, Президенти Ҷумҳурии Тоҷикистон

IMG_20200604_144903Тибқи таҳлили кормандони соҳаи тандурустӣ, дар вилояти Хатлон шиддати коронавирус нисбат ба дигар шаҳру ноҳияҳои кишвар паст гардида, бистарикунонӣ дар беморхонаҳои шаҳру ноҳияҳо камтар ба қайд гирифта шуд. Вобаста ба ин суҳбате доштем бо сардухтури навтаъини Беморхонаи клиникии вилоятии ба номи Бӯрӣ Воҳидови шаҳри Бохтар Шамсулло Олимзода.

Ӯ аз ҷумла чунин гуфт:

- Дар беморхона барои табобати муроҷиаткунандаҳо шароит муҳайё аст. Масалан, дар шуъбаҳои сироятӣ ва наҷот 112 кат омода мебошад, ки бо хати оксиген таъминанд. Дар шуъбаи эҳёгарӣ низ ҳашт дастгоҳи нафаскашии сунъӣ ва ду оксигенератори калонҳаҷм, ки ҳар кадомашон дар як вақт 16 беморро бо оксиген таъмин менамоянд, мавҷуд мебошанд. Дар маҷмӯъ, 600 кат барои қабули беморон омода аст.

Беморхона бо дастгирии Пешвои миллат муҳтарам Эмомалӣ Раҳмон бо дорувориҳои лозима таъмин мебошад. Табибон аз дастгирии шахсони саховатпеша қаноатманданд.

Дар анбори беморхона ба қадри кофӣ доруворӣ, сарулибоси муҳофизатӣ, маҳлулҳои антисептикӣ ва безараргардонӣ захира карда шудаанд.

Беморон ва 60 табибу дигар кормандони тиб ҳар рӯз бо хӯроки гарм таъминанд. То ин муддат аз 255 бемори илтиҳоби шуш  215 нафар сиҳат шуданд.

Хушбахтона, рӯзҳои охир шумораи бистаришавандаҳо хеле коҳиш ёфт. Масалан, пештар агар то 18 нафар дар як рӯз бистарӣ мешуданд, ҳоло 4 — 6 нафар муроҷиат мекунанд.

Масъулини Беморхонаи клиникии вилоятии ба номи Бӯрӣ Воҳидови шаҳри Бохтар тамоми неру ва малакаро баҳри солимии ҷомеа равона намуда, муътақиданд, ки мушкилот паси сар мегардад. Ҳақ ба ҷониби Пешвои миллат муҳтарам Эмомалӣ Раҳмон аст, ки дар яке аз баромадҳояшон гуфтаанд: «Зиндагӣ мубориза аст ва дар ин мубориза касе дастболо мешавад, ки ақлу заковати худро ба кор мебарад».

Сулаймон СУЛТОНОВ, «Садои мардум»

Комментарии

Отправить комментарий

Популярные сообщения из этого блога

Дуои хайри модаре, ки қариб 100 сол умр дорад

-
Изображение
Дар рӯзҳои таҷлили ҷашни фархундаи модарон – 8 март, ки бо ташаббусу иқдоми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷумҳурии азизи Тоҷикистон солҳои охир ба ҳукми анъана даромадааст, дар бораи модаре ки ба баҳори 94 – умин умри худ қадам гузошт нанавиштан ба андешаи ман барои аҳли қалам гуноҳи нобахшиданист. Дар бораи рӯзгори талху ширини модаре, ки қабл аз ҳама вазифаи муқаддаси худ, яъне модариро ба ҷо оварда фарзандони солеҳу донишманд ва соҳибҳунарро тарбия намуда ба воя расонидааст. Ин модари меҳрубон сокини деҳаи “Иттифоқ”-и ҷамоати деҳоти “Заргар”-и ноҳияи Кӯшониён Махсумгул Додарбекова буда, дар яке аз деҳаҳои зебоманзари куҳистони Тоҷикистон зода шуда, бо ҳукми тақдир ва бо мақсади ободонии даштҳои синабирёни водии Вахш, солҳои чилуми асри гузашта бо ҳамроҳи аҳли оилаашон муҳоҷир шуда, ба Вахшонзамин омадааст. Гарчанде ҷавон буд, вале аз нахустин рӯзҳои муҳоҷирӣ ба кори саҳро баромад. Қатори ҳамсоло
Далее...

Ҳамовозӣ Манзили охирати қаҳрамонон бояд обод бошад!

-
Изображение
Мақолаи рӯзноманигор Сулаймон Султоновро, ки таҳти сарлавҳаи «Рӯҳи озурдаи қаҳрамонро кӣ шод мегардонад?» дар рӯзномаи «Садои мардум» (2 августи соли 2017) ба табъ расидааст, мутолиа намудаму ба андеша рафтам. Воқеотеро, ки бо чашмонам дидаву аз сар гузаронидаам, бори дигар пеши назарам ҷилвагар шуданд. Соли 1988 буд. Бисёр мехос­тем, ки садсолагии «Шӯриши Восеъ» дар кишвар ботантана ҷашн гирифта шавад. Ба Кумитаи ҳизби коммунисти ноҳияи Ховалинг, ки зодгоҳи Восеъи қаҳрамон аст, нома навишта, матлаб арз намудам. Дар матбуоти маҳалливу ҷумҳуриявӣ низ мақола чоп кардам. Хушбахтона, маро дастгирӣ намуданд. Баробари дигар чорабиниҳои ҷашнӣ, ҷиҳати омӯзиши ҳудуди фарогири «Шӯриши Восеъ» набардгоҳҳои восеътанон, қаҳрамонони Ҷанги Бузурги Ватанӣ ба сафар баромадем. Ҳайати моро, ки аз даҳ нафар иборат буд нависанда Раҳмон Сафаров роҳбарӣ мекард. Қаҳрамони Иттифоқи Советӣ — Ҳайдар Қосимов, абераи Восеъ — Раҷабалӣ Камолов ва даъватшавандаи ҳарбӣ Муҳибулло Файзалиев низ шомили ҳайат будан
Далее...

Қарзи мушкилситон дар Хатлон. Имкони ҷамъоварии он ҳаст ё не?

-
Изображение
  То охири соли 2019 дар вилояти Хатлон беш аз 115 миллион сомонӣ қарзи мушкилситон мавҷуд будааст. Аммо масъулини Раёсати андози вилоят дар пешниҳоди маълумот оид ба вазъ дар соли 2020-ум худдорӣ карданд.   “Ба Кумитаи андоз муроҷиат кунед...” Абубакр Хушвахтов, сардори шуъбаи ситонидани қарзи андозҳои Раёсати андози вилояти Хатлон дар посух ба ин суол, ки дар вилоят чӣ қадар қарзи мушкилситони андоз аст, чунин гуфт: “Ман дар ин масъала ба шумо маълумот дода наметавонам! Барои гирифтани чунин маълумот ба мақомоти болоии мо – Кумитаи андози назди Ҳукумати Ҷумҳурии Тоҷикистон муроҷиат кунед! Дар Кодекси андоз ва санадҳои меъёрӣ – ҳуқуқӣ ин мавзӯъ оварда шудааст. Вале салоҳияташ ба идораи болоии мо вобаста аст”. Аммо Абдурозиқ Солиев, муовини сардори Раёсати андози вилояти Хатлон ҳанӯз соли 2019 гуфта буд, ки қарзи мушкилситони андоз дар шаҳру ноҳияҳои вилояти Хатлон дар маҷмӯъ 116 миллион сомониро ташкил мекунад. Рӯёнидани ин гуна қарз номумкин аст       Дар ҳамин ҳол Маҳмадалӣ Бе
Далее...