Дӯстӣ. Корҳои ободонӣ авҷ мегиранд

-

Дар ­ноҳияи Дӯстии вилояти Хатлон ҷиҳати омодагӣ ба истиқболи ҷашни 30-солагии Истиқлолияти давлатии Ҷумҳурии Тоҷикистон корҳои ободонӣ авҷ мегиранд.
Тибқи иттилои мақомоти иҷроияи маҳаллии ҳокимияти давлатии ноҳия, айни замон бунёди 117 иншооти таъиноти гуногун ба нақша гирифта шудааст ва дар солҳои оянда боз зиёд хоҳад шуд. Алҳол бо ҷалби мутахассисони маҳаллӣ корҳои сохтмонӣ дар 40 иншоот бомаром давом дорад. Танҳо соли 2018-ум 28 иншоот мавриди баҳрабардорӣ қарор гирифт ва теъдоде аз сокинон бо ҷойи кори доимӣ таъмин шуданд. Дар корҳои ободонӣ соҳибкорон ва сокинони ҳимматбаланд низ саҳм гузошта истодаанд.
Нурмуҳаммад Саидзода — раиси ноҳияи Дӯстӣ иброз намуд, ки корҳои ободонию созандагӣ аз даромадгоҳи ноҳия шурӯъ гардиданд. Бино ба иттилои ӯ, бо харҷи 1 миллиону 150 ҳазор сомонӣ дарвоза ва ҷой барои қабули меҳмонон бунёд шуда истодааст. Дар ин ҷо дидбонгоҳи замонавӣ барои кормандони шуъбаи Бозрасии давлатии автомобилӣ низ сохта хоҳад шуд.
- Бо дарназардошти таваҷҷуҳи ҳамешагии Пешвои миллат муҳтарам ­Эмомалӣ Раҳмон ба соҳаи маориф ҷиҳати муҳайё кардани шароити хуб барои таълиму тарбия бо ташаббуси соҳибкорони маҳаллӣ сохтмони 6 кӯдакис­тон, муассисаи таълимӣ ва синфхонаи иловагӣ дар назар аст. Ҳоло корҳои сохтмонӣ дар яке аз кӯдакистонҳо ва муассисаи таълимӣ оғоз ёфтааст. Бо мақсади ҷалби ҳар чӣ бештари наврасон ва ҷавонон ба китобу китобхонӣ 5 китобхона сохта шуда истодааст. Ҳамчунин, дар доираи «Барномаи давлатии рушди муассисаҳои соҳаи маорифи вилояти Хатлон барои солҳои 2017 — 2021» бун­ёди 19 биною синфхонаҳои иловагӣ ба нақша гирифта шудааст, — зикр намуд мудири шуъбаи маорифи ноҳия Ҷаббор Абдураҳмонов.
Бино ба иттилои мудири шуъбаи меъморӣ ва шаҳрсозии ноҳия Идибекзода Ҷӯрабек, дар шаҳраку деҳот сохтмони марказҳои хизматрасонӣ, ҳаммом, сартарошхонаву кошонаи ҳусн, бунгоҳу маркази саломатӣ, коргоҳҳои истеҳсолӣ, меҳмонхонаву чойхона ва амсоли инҳо дар назар дошта шудааст. Аз ҷумла, ба хотири оммавигардонии варзиш ва тарзи ҳаёти солим бо саҳми соҳибкорони ватанӣ сохтмони 4 толор ва 9 майдончаи варзишӣ дар нақша аст. Аллакай корҳои сохтмонӣ дар як толор ва ду майдончаи варзишӣ оғоз гардидаанд.
Сулаймон СУЛТОНОВ, «Садои мардум»

Комментарии

Отправить комментарий

Популярные сообщения из этого блога

Дуои хайри модаре, ки қариб 100 сол умр дорад

-
Изображение
Дар рӯзҳои таҷлили ҷашни фархундаи модарон – 8 март, ки бо ташаббусу иқдоми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷумҳурии азизи Тоҷикистон солҳои охир ба ҳукми анъана даромадааст, дар бораи модаре ки ба баҳори 94 – умин умри худ қадам гузошт нанавиштан ба андешаи ман барои аҳли қалам гуноҳи нобахшиданист. Дар бораи рӯзгори талху ширини модаре, ки қабл аз ҳама вазифаи муқаддаси худ, яъне модариро ба ҷо оварда фарзандони солеҳу донишманд ва соҳибҳунарро тарбия намуда ба воя расонидааст. Ин модари меҳрубон сокини деҳаи “Иттифоқ”-и ҷамоати деҳоти “Заргар”-и ноҳияи Кӯшониён Махсумгул Додарбекова буда, дар яке аз деҳаҳои зебоманзари куҳистони Тоҷикистон зода шуда, бо ҳукми тақдир ва бо мақсади ободонии даштҳои синабирёни водии Вахш, солҳои чилуми асри гузашта бо ҳамроҳи аҳли оилаашон муҳоҷир шуда, ба Вахшонзамин омадааст. Гарчанде ҷавон буд, вале аз нахустин рӯзҳои муҳоҷирӣ ба кори саҳро баромад. Қатори ҳамсоло
Далее...

Ҳамовозӣ Манзили охирати қаҳрамонон бояд обод бошад!

-
Изображение
Мақолаи рӯзноманигор Сулаймон Султоновро, ки таҳти сарлавҳаи «Рӯҳи озурдаи қаҳрамонро кӣ шод мегардонад?» дар рӯзномаи «Садои мардум» (2 августи соли 2017) ба табъ расидааст, мутолиа намудаму ба андеша рафтам. Воқеотеро, ки бо чашмонам дидаву аз сар гузаронидаам, бори дигар пеши назарам ҷилвагар шуданд. Соли 1988 буд. Бисёр мехос­тем, ки садсолагии «Шӯриши Восеъ» дар кишвар ботантана ҷашн гирифта шавад. Ба Кумитаи ҳизби коммунисти ноҳияи Ховалинг, ки зодгоҳи Восеъи қаҳрамон аст, нома навишта, матлаб арз намудам. Дар матбуоти маҳалливу ҷумҳуриявӣ низ мақола чоп кардам. Хушбахтона, маро дастгирӣ намуданд. Баробари дигар чорабиниҳои ҷашнӣ, ҷиҳати омӯзиши ҳудуди фарогири «Шӯриши Восеъ» набардгоҳҳои восеътанон, қаҳрамонони Ҷанги Бузурги Ватанӣ ба сафар баромадем. Ҳайати моро, ки аз даҳ нафар иборат буд нависанда Раҳмон Сафаров роҳбарӣ мекард. Қаҳрамони Иттифоқи Советӣ — Ҳайдар Қосимов, абераи Восеъ — Раҷабалӣ Камолов ва даъватшавандаи ҳарбӣ Муҳибулло Файзалиев низ шомили ҳайат будан
Далее...

Қарзи мушкилситон дар Хатлон. Имкони ҷамъоварии он ҳаст ё не?

-
Изображение
  То охири соли 2019 дар вилояти Хатлон беш аз 115 миллион сомонӣ қарзи мушкилситон мавҷуд будааст. Аммо масъулини Раёсати андози вилоят дар пешниҳоди маълумот оид ба вазъ дар соли 2020-ум худдорӣ карданд.   “Ба Кумитаи андоз муроҷиат кунед...” Абубакр Хушвахтов, сардори шуъбаи ситонидани қарзи андозҳои Раёсати андози вилояти Хатлон дар посух ба ин суол, ки дар вилоят чӣ қадар қарзи мушкилситони андоз аст, чунин гуфт: “Ман дар ин масъала ба шумо маълумот дода наметавонам! Барои гирифтани чунин маълумот ба мақомоти болоии мо – Кумитаи андози назди Ҳукумати Ҷумҳурии Тоҷикистон муроҷиат кунед! Дар Кодекси андоз ва санадҳои меъёрӣ – ҳуқуқӣ ин мавзӯъ оварда шудааст. Вале салоҳияташ ба идораи болоии мо вобаста аст”. Аммо Абдурозиқ Солиев, муовини сардори Раёсати андози вилояти Хатлон ҳанӯз соли 2019 гуфта буд, ки қарзи мушкилситони андоз дар шаҳру ноҳияҳои вилояти Хатлон дар маҷмӯъ 116 миллион сомониро ташкил мекунад. Рӯёнидани ин гуна қарз номумкин аст       Дар ҳамин ҳол Маҳмадалӣ Бе
Далее...