Бунёди 28 муассисаи таълимӣ дар 8 сол

-
Аз соли 2010 дар ноҳияи Ёвон аз ҳисоби ҳама сарчашмаи маблағгузорӣ 28 муассисаи таълимӣ ва 192 синф­хонаи иловагӣ бо фарогирии зиёда аз 6 ҳазор ҷойи нишаст мавриди баҳрабардорӣ қарор гирифтааст.
То ҷашни 30-солагии Истиқлолияти давлатии Ҷумҳурии Тоҷикистон боз бунёди 3 муассисаи таълимӣ ва кӯдакистон дар нақша буд, ки якеаш — муассисаи таҳсилоти миёнаи умумии №80 бо харҷи 24 миллион сомонӣ барои ба таҳсил фаро гирифтани 1280 нафар хонанда дар ду баст аз тарафи соҳибкори маҳаллӣ Баҳриддин Ҷӯрахонов сохта, ба истифода дода шуд. Дар иншооти дигар корҳои сохтмонӣ идома доранд.
Бино ба иттилои мудири шуъбаи маорифи ноҳия Исломиддин Нарсов, соли гузашта бо дастгирии мақомоти маҳаллӣ ва Ассотсиатсияи падару модарон сохтмони 60 синфхонаи иловагӣ ба нақша гирифта шуд, ки 45 ададаш мавриди истифода қарор гирифт.
Номбурда зикр кард, ки дар доираи «Барномаи давлатии рушди муассисаҳои соҳаи маорифи вилояти Хатлон барои солҳои 2017 – 2021» боз сохтмони 12 муассисаи таълимӣ, бинои шуъбаи маориф, маркази рушди истеъдодҳо ва маркази таҳсилоти иловагӣ ба нақша гирифта шудааст.
Айни замон дар ноҳияи Ёвон 84 муассисаи таълимӣ бо фарогирии 53 ҳазору 747 нафар хонанда фаъолият дорад.
 Сулаймон СУЛТОНОВ, «Садои мардум»

Комментарии

Отправить комментарий

Популярные сообщения из этого блога

Дуои хайри модаре, ки қариб 100 сол умр дорад

-
Изображение
Дар рӯзҳои таҷлили ҷашни фархундаи модарон – 8 март, ки бо ташаббусу иқдоми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷумҳурии азизи Тоҷикистон солҳои охир ба ҳукми анъана даромадааст, дар бораи модаре ки ба баҳори 94 – умин умри худ қадам гузошт нанавиштан ба андешаи ман барои аҳли қалам гуноҳи нобахшиданист. Дар бораи рӯзгори талху ширини модаре, ки қабл аз ҳама вазифаи муқаддаси худ, яъне модариро ба ҷо оварда фарзандони солеҳу донишманд ва соҳибҳунарро тарбия намуда ба воя расонидааст. Ин модари меҳрубон сокини деҳаи “Иттифоқ”-и ҷамоати деҳоти “Заргар”-и ноҳияи Кӯшониён Махсумгул Додарбекова буда, дар яке аз деҳаҳои зебоманзари куҳистони Тоҷикистон зода шуда, бо ҳукми тақдир ва бо мақсади ободонии даштҳои синабирёни водии Вахш, солҳои чилуми асри гузашта бо ҳамроҳи аҳли оилаашон муҳоҷир шуда, ба Вахшонзамин омадааст. Гарчанде ҷавон буд, вале аз нахустин рӯзҳои муҳоҷирӣ ба кори саҳро баромад. Қатори ҳамсоло
Далее...

Ҳамовозӣ Манзили охирати қаҳрамонон бояд обод бошад!

-
Изображение
Мақолаи рӯзноманигор Сулаймон Султоновро, ки таҳти сарлавҳаи «Рӯҳи озурдаи қаҳрамонро кӣ шод мегардонад?» дар рӯзномаи «Садои мардум» (2 августи соли 2017) ба табъ расидааст, мутолиа намудаму ба андеша рафтам. Воқеотеро, ки бо чашмонам дидаву аз сар гузаронидаам, бори дигар пеши назарам ҷилвагар шуданд. Соли 1988 буд. Бисёр мехос­тем, ки садсолагии «Шӯриши Восеъ» дар кишвар ботантана ҷашн гирифта шавад. Ба Кумитаи ҳизби коммунисти ноҳияи Ховалинг, ки зодгоҳи Восеъи қаҳрамон аст, нома навишта, матлаб арз намудам. Дар матбуоти маҳалливу ҷумҳуриявӣ низ мақола чоп кардам. Хушбахтона, маро дастгирӣ намуданд. Баробари дигар чорабиниҳои ҷашнӣ, ҷиҳати омӯзиши ҳудуди фарогири «Шӯриши Восеъ» набардгоҳҳои восеътанон, қаҳрамонони Ҷанги Бузурги Ватанӣ ба сафар баромадем. Ҳайати моро, ки аз даҳ нафар иборат буд нависанда Раҳмон Сафаров роҳбарӣ мекард. Қаҳрамони Иттифоқи Советӣ — Ҳайдар Қосимов, абераи Восеъ — Раҷабалӣ Камолов ва даъватшавандаи ҳарбӣ Муҳибулло Файзалиев низ шомили ҳайат будан
Далее...

Қарзи мушкилситон дар Хатлон. Имкони ҷамъоварии он ҳаст ё не?

-
Изображение
  То охири соли 2019 дар вилояти Хатлон беш аз 115 миллион сомонӣ қарзи мушкилситон мавҷуд будааст. Аммо масъулини Раёсати андози вилоят дар пешниҳоди маълумот оид ба вазъ дар соли 2020-ум худдорӣ карданд.   “Ба Кумитаи андоз муроҷиат кунед...” Абубакр Хушвахтов, сардори шуъбаи ситонидани қарзи андозҳои Раёсати андози вилояти Хатлон дар посух ба ин суол, ки дар вилоят чӣ қадар қарзи мушкилситони андоз аст, чунин гуфт: “Ман дар ин масъала ба шумо маълумот дода наметавонам! Барои гирифтани чунин маълумот ба мақомоти болоии мо – Кумитаи андози назди Ҳукумати Ҷумҳурии Тоҷикистон муроҷиат кунед! Дар Кодекси андоз ва санадҳои меъёрӣ – ҳуқуқӣ ин мавзӯъ оварда шудааст. Вале салоҳияташ ба идораи болоии мо вобаста аст”. Аммо Абдурозиқ Солиев, муовини сардори Раёсати андози вилояти Хатлон ҳанӯз соли 2019 гуфта буд, ки қарзи мушкилситони андоз дар шаҳру ноҳияҳои вилояти Хатлон дар маҷмӯъ 116 миллион сомониро ташкил мекунад. Рӯёнидани ин гуна қарз номумкин аст       Дар ҳамин ҳол Маҳмадалӣ Бе
Далее...