Тандурустӣ Хатлон. Шумораи беморони руҳӣ меафзояд

-
Дар вилояти Хатлон 12 ҳазор нафар бемори руҳӣ ба қайд гирифта шудааст. Ин беморӣ, ки ҳар сол дар ҳоли афзоиш аст, боиси нигаронии масъулин гардидааст.
Табибон бар он назаранд, ки кӯдак аз зуком ва таби баланд метавонад ба ин беморӣ гирифтор шавад. Омили дигар аз модар бо нуқсон таваллуд шудани кӯдак мебошад. Муноқишаҳои оилавӣ ё марги шахсони наздик, ба садама гирифтор шудан ва ғайраҳо аз сабабҳои дигари мубтало гардидан  ба ин беморӣ арзёбӣ мешавад.
Дар шаҳри Бохтар Маркази вилоятии равонпизишкии вилояти Хатлон аз соли 2006 фаъолият дорад. Директори он Саидаҳрор Подавонов иброз намуд, ки соли ҷорӣ 755 нафар дар ин ҷо табобат гирифтанд, яъне нисбат ба ҳамин давраи соли гузашта 118 нафар зиёд.
- Мутаассифона, имкониятҳои марказ маҳдуд аст. Қабл аз ҳама, мутахассисон намерасанд. Чанд маротиба ба Раёсати тандурустӣ ва ҳифзи иҷтимоии аҳолӣ дар  вилояти Хатлон ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон муроҷиат намудем. Аммо касе дар ин ҷо кор кардан намехоҳад. Дар марказ нуҳ воҳиди корӣ пешбинӣ шудааст, вале айни ҳол се духтур фаъолият доранд, ки як нафараш нафақахӯр мебошад. Умед дорем, ки дар кӯтоҳтарин фурсат ин мушкил ҳалли худро меёбад, — изҳор дошт номбурда.
Мушкили дигар кам ҷудо шудани маб­лағ барои табобати беморон мебошад. Бино ба гуфти ҳамсуҳбатам, барои як бемор дар як рӯз 1 сомонию 95 дирам муайян шудааст, ки ночиз аст.
Сармутахассиси шуъбаи кадрҳои Раёсати тандурустӣ ва ҳифзи иҷтимоии аҳолии вилояти Хатлон Тӯтиё Озодбекова  иброз намуд, ки дар вилоят зиёда аз 900 мутахассиси соҳаи тандурустӣ, аз ҷумла, 25 духтури равонпизишк намерасад. Бино ба иттилои ӯ, айни замон тавассути Квотаи президентӣ аз вилоят дар муассисаҳои  таҳсилоти олӣ ва миёнаи касбии соҳа 568 нафар таҳсил доранд.
- Дар маҷмӯъ, дар Донишгоҳи давлатии тиббии Тоҷикистон ба номи Абӯалӣ ибни Сино ва Донишгоҳи давлатии тиббии Хатлон аз вилоят 3401 нафар таҳсил намуда истодаанд. Бовар дорам, ки масъалаи норасоии кадрҳо аз ин ҳисоб ҳал хоҳад шуд, — афзуд Тӯтиё Озодбекова.
Шояд баъд аз нашри матлаби мазкур масъулон ба фаъолияти Маркази вилоятии равонпизишкии вилояти Хатлон таваҷҷуҳ зоҳир намоянд…
Сулаймон СУЛТОНОВ,  «Садои мардум»

Комментарии

Отправить комментарий

Популярные сообщения из этого блога

Дуои хайри модаре, ки қариб 100 сол умр дорад

-
Изображение
Дар рӯзҳои таҷлили ҷашни фархундаи модарон – 8 март, ки бо ташаббусу иқдоми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷумҳурии азизи Тоҷикистон солҳои охир ба ҳукми анъана даромадааст, дар бораи модаре ки ба баҳори 94 – умин умри худ қадам гузошт нанавиштан ба андешаи ман барои аҳли қалам гуноҳи нобахшиданист. Дар бораи рӯзгори талху ширини модаре, ки қабл аз ҳама вазифаи муқаддаси худ, яъне модариро ба ҷо оварда фарзандони солеҳу донишманд ва соҳибҳунарро тарбия намуда ба воя расонидааст. Ин модари меҳрубон сокини деҳаи “Иттифоқ”-и ҷамоати деҳоти “Заргар”-и ноҳияи Кӯшониён Махсумгул Додарбекова буда, дар яке аз деҳаҳои зебоманзари куҳистони Тоҷикистон зода шуда, бо ҳукми тақдир ва бо мақсади ободонии даштҳои синабирёни водии Вахш, солҳои чилуми асри гузашта бо ҳамроҳи аҳли оилаашон муҳоҷир шуда, ба Вахшонзамин омадааст. Гарчанде ҷавон буд, вале аз нахустин рӯзҳои муҳоҷирӣ ба кори саҳро баромад. Қатори ҳамсоло
Далее...

Ҳамовозӣ Манзили охирати қаҳрамонон бояд обод бошад!

-
Изображение
Мақолаи рӯзноманигор Сулаймон Султоновро, ки таҳти сарлавҳаи «Рӯҳи озурдаи қаҳрамонро кӣ шод мегардонад?» дар рӯзномаи «Садои мардум» (2 августи соли 2017) ба табъ расидааст, мутолиа намудаму ба андеша рафтам. Воқеотеро, ки бо чашмонам дидаву аз сар гузаронидаам, бори дигар пеши назарам ҷилвагар шуданд. Соли 1988 буд. Бисёр мехос­тем, ки садсолагии «Шӯриши Восеъ» дар кишвар ботантана ҷашн гирифта шавад. Ба Кумитаи ҳизби коммунисти ноҳияи Ховалинг, ки зодгоҳи Восеъи қаҳрамон аст, нома навишта, матлаб арз намудам. Дар матбуоти маҳалливу ҷумҳуриявӣ низ мақола чоп кардам. Хушбахтона, маро дастгирӣ намуданд. Баробари дигар чорабиниҳои ҷашнӣ, ҷиҳати омӯзиши ҳудуди фарогири «Шӯриши Восеъ» набардгоҳҳои восеътанон, қаҳрамонони Ҷанги Бузурги Ватанӣ ба сафар баромадем. Ҳайати моро, ки аз даҳ нафар иборат буд нависанда Раҳмон Сафаров роҳбарӣ мекард. Қаҳрамони Иттифоқи Советӣ — Ҳайдар Қосимов, абераи Восеъ — Раҷабалӣ Камолов ва даъватшавандаи ҳарбӣ Муҳибулло Файзалиев низ шомили ҳайат будан
Далее...

Қарзи мушкилситон дар Хатлон. Имкони ҷамъоварии он ҳаст ё не?

-
Изображение
  То охири соли 2019 дар вилояти Хатлон беш аз 115 миллион сомонӣ қарзи мушкилситон мавҷуд будааст. Аммо масъулини Раёсати андози вилоят дар пешниҳоди маълумот оид ба вазъ дар соли 2020-ум худдорӣ карданд.   “Ба Кумитаи андоз муроҷиат кунед...” Абубакр Хушвахтов, сардори шуъбаи ситонидани қарзи андозҳои Раёсати андози вилояти Хатлон дар посух ба ин суол, ки дар вилоят чӣ қадар қарзи мушкилситони андоз аст, чунин гуфт: “Ман дар ин масъала ба шумо маълумот дода наметавонам! Барои гирифтани чунин маълумот ба мақомоти болоии мо – Кумитаи андози назди Ҳукумати Ҷумҳурии Тоҷикистон муроҷиат кунед! Дар Кодекси андоз ва санадҳои меъёрӣ – ҳуқуқӣ ин мавзӯъ оварда шудааст. Вале салоҳияташ ба идораи болоии мо вобаста аст”. Аммо Абдурозиқ Солиев, муовини сардори Раёсати андози вилояти Хатлон ҳанӯз соли 2019 гуфта буд, ки қарзи мушкилситони андоз дар шаҳру ноҳияҳои вилояти Хатлон дар маҷмӯъ 116 миллион сомониро ташкил мекунад. Рӯёнидани ин гуна қарз номумкин аст       Дар ҳамин ҳол Маҳмадалӣ Бе
Далее...